"Реал", "Рома" ва Италия терма жамоасининг собиқ ҳужумчиси Антонио Кассано португалиялик мутахассис Жозе Моуриньо ҳақида танқидий фикр билдирди.
“Моуриньо ҳеч қачон ажойиб мураббий бўлмаган. Жозе шунчаки журналистлар билан моҳирона ноз-карашма қилди, у қандай мулоқот қилишни билади. Рим ҳалокатга учради. Моуриньо жамоани қандай қилиб бирлаштиришни билмайди. Унинг раҳбарлигида "Рома" бир ярим йилдан бери ҳақиқий футбол ўйнамаяпти", - дея Кассанонинг сўзларини келтиради Goal.com.
Моуриньо 2021 йилнинг ёзида “Рома” бош мураббийи лавозимини эгаллаган. 60 ёшли португалияликнинг "бўрилар" билан шартномаси муддати 2024 йилнинг ўрталарига қадар мўлжалланган.
