"Манчестер Юнайтед" бош мураббийи Эрик тен Хаг ярим ҳимоячи Каземиронинг жамоанинг ривожланишига таъсири ҳақида гапирди.
"Каземиро мени умуман ажаблантирмади. Мен унинг қандай ажойиб футболчи эканлигини билардим. Қаранг, у қанча соврин ютган. Варан сингари у ҳам 5 марта Чемпионлар лигасини ютган. Бу тасодиф эмас", - деди Тен Хаг Goal билан суҳбатда.
Шунингдек, у Каземиро “Манчестер Юнайтед” етакчиси эканлигини таъкидлади. Жамоа учун эса нафақат унинг ўйин сифати, балки менталитети ҳам муҳим.
2022 йилнинг 19 августида “Манчестер Юнайтед” Каземирони 70 миллион еврога сотиб олганини эълон қилганди. Жорий мавсумда у АПЛда 17 та ўйинда майдонга тушиб, 6 та гол урди ва 2 та голга ассистентлик қилди.