Испания чемпионатнинг 24-турида “Реал” 5 март, якшанба куни “Бетис” майдонида меҳмон бўлди.

Биринчи бўлимда ўйин назорати мадридликлар томонида бўлди, бироқ Карло Анчелотти шогирдлари рақиб дарвозаси томон йўл тополмади. Иккинчи бўлимда ҳам “Реал” вакиллари катта устунликка эга бўлишига қарамай, тўп киритишнинг уддасидан чиқмади. Ўз навбатида, андалусияликлар ҳам матонатли ўйин намойиш этишди ҳамда юзага келган 2-3 та вазиятни голга айлантира олишмади.

Шу тариқа, кетма-кет иккинчи турда очко йўқотган “Реал”нинг пешқадам “Барселона” билан очколардаги фарқи 9 тага етди. Кейинги турда “қаймоқранглилар” “Эспаньол”га қарши баҳс олиб боради.

Ла лига, 24-тур баҳслари
5 март, якшанба
“Бетис” – “Реал Мадрид” 0:0
“Бетис”: Браво, Сабали, Песселя, Луис Фелипе, Миранда (Абнер, 87), Руибал (Хоакин, 87), Вильям Карвалю (Guardадо, 80), Родригес, Родри, Перес (Луис Энрике, 71), Иглесиас (Виллиан Жозе, 71).
“Реал Мадрид”: Куртуа, Рюдигер, Милитао, Вальверде, Камавинга (Начо, 63), Кроос (Родригес, 87), Тчуамени (Себальос, 64), Васкес (Карвахаль, 59), Бензема, Родриго, Винисиус Жуниор.
Огоҳлантиришлар: Камавинга (25), Вильям Карвалю (45), Сабали (51), Иглесиас (51), Родриго (59), Милитао (59), Винисиус Жуниор (84).