"Милан" Браим Диас учун "Реал"га 22 миллион евро тўламоқчи эмас.
“Қаймоқранглилар” ярим ҳимоячиси “россонерилар” томонидан юқоридаги суммани сотиб олиш имконияти билан жорий мавсум охиригача ижарага олинган.
ABC хабарига кўра, миланликлар 23 ёшли футболчининг жорий мавсумдаги ўйин даражасидан келиб чиққан ҳолда пулга арзимайди деб ҳисоблайди. Шундай қилиб, испаниялик келаси ёзда ўзини "Реал Мадрид"да кўрсатиш имкониятига эга бўлиш эҳтимоли юқори. Бироқ, Италия клуби ҳужумкор ярим ҳимоячини арзон нархда сотиб олишга ҳаракат қилиши мумкин.
Браим Диас жорий мавсумдаги 28 ўйинда 5 та гол урди ва 2 та голли узатмани амалга оширди. Transfermarkt портали унинг нархини 20 миллион еврога баҳоламоқда.
