"Хайдук" ҳимоячиси Лука Вушкович фаолиятини Англия Премьер-лигасининг топ-клубида давом эттириш имкониятига эга. Гап “Манчестер Сити” ҳақида кетмоқда. Бу ҳақда Goal.com портали саҳифаларида хабар берилди.
16 ёшли футболчининг амалдаги клуби билан шартномаси 2026 йилнинг ўрталарига қадар мўлжалланган. Аввалроқ матбуотда Вушковичга Европанинг яна бир гиганти - Франциянинг "ПСЖ" клуби қизиқиш билдираётгани ҳақида хабар берилганди.
Сўнгги ўйинда "Ман Сити" ўз майдонида "Ньюкасл"ни 2:0 ҳисобида мағлуб этди. Премьер-лиганинг 26-туридан сўнг “шаҳарликлар” “Арсенал”дан 5 очко ортда қолиб, иккинчи ўринда бормоқда.
