"Манчестер Сити" бош мураббийи Хосеп Гвардиола учун қайси бири муҳимроқ - Чемпионлар лигаси ёки Англия Премьер-лигаси?
"Келгуси мавсум Чемпионлар лигасига йўлланма олганимиздан сўнг, мен шаҳардаги энг яхши ресторанга бориб, энг яхши кечки овқатга буюртма бераман. Бу турнир биз клубга бера оладиган энг яхши турнирдир. Чемпионлар лигасида иштирок этиш Премьер-лигадаги ғалабадан муҳимроқдир", - деди Гвардиола.
Премьер-лигада "Манчестер Сити" пешқадам "Арсенал"дан 5 очко ортда қолиб, иккинчи ўринда бормоқда. Чемпионлар лигаси 1/8 финалининг илк ўйинида "шаҳарликлар" "Лейпциг" билан дуранг ўйнади (1:1).
