"Барселона" вингери Рафинья Диас кечаги "Валенсия"га қарши ўйиндаги пенальтини нима учун Ансу Фати эмас, Ферран Торрес тепганини тушунтирди. Эслатиб ўтамиз, Торрес 55-дақиқада пенальтини голга айлантира олмади.
"Ўйиндан олдин пенальтини ким тепишини аниқ белгилаб олгандик. Ансу зарба бермоқчи бўлганини ва имкониятни қўлга кирита олмай ҳафсаласи пир бўлганини тушунаман, бироқ ҳаммаси ўйин бошланишидан олдин ҳал бўлди" - деди Рафинья.
"Барселона" кеча "Валенсия"ни минимал 1:0 ҳисобида мағлуб этишга муваффақ бўлди. Айнан Рафинья 15-дақиқада боши билан гол урди.
