"Фиорентина" ҳужумчиси Лука Йович нима учун "Реал"да ўйнай олмаганини айтди.
"Мен "Айнтрахт"ни жуда эрта тарк этдим ва "Реал"га келганимда ҳамманинг эътибори менда эди. Дунёнинг энг яхши клубига мослашиш жуда қийин. Жароҳатлар ва коронавирус туфайли мен ноҳақ босим остида қолдим. Бу жуда ачинарли тажриба эди. "Фиорентина"да мен ривожлана оламан, бу мавсумда ғалаба қозониш ва Конференциялар лигасида ғалаба қозониш учун бизда ҳамма нарса бор", - деди Йович La Repubblica билан суҳбатда.
Йович "Реал"га 2019 йилда Франкфуртнинг "Айнтрахт" клубидан 63 миллион евро эвазига ўтган эди.
Мадридликлар сафида у 51 та ўйин ўтказиб, 3 та гол урди ва 5 та голли узатмани амалга оширди.
2022 йилнинг ёзида сербиялик ҳужумчи эркин агент сифатида “қаймоқранглилар”ни тарк этганди.