"Бавария" вингери Кингсли Коман ЕЧЛ 1/8 финалининг биринчи ўйинида "ПСЖ" мухлисларининг ҳақоратлари ҳақида гапирди. Ўша учрашувда франциялик футболчи ягона голни уриб, Мюнхен клубига ғалаба келтирди.
"ПСЖ"га қарши биринчи ўйинда парижлик мухлислар мени ҳақорат қилишди. Лекин ўзимга: “Хўп, бир-икки одамни кўриб, фикрингни ўзгартирмаслигинг керак”, дедим. Гол урганингизда, сиз доимо уни нишонлашни хоҳлайсиз, лекин мен 7 йил ўйнаган жамоамга ҳурмат кўрсатишни хоҳлардим", - дея Команнинг сўзларини келтиради Canal +.