"Интер"нинг собиқ бош мураббийи Антонио Конте келаси мавсум бошланишидан олдин жамоага қайтиши мумкин. Журналист Гари Жейкобнинг сўзларига кўра, “нерадзуррилар” эҳтимолий қайтиш масаласини муҳокама қилиш учун италияликнинг вакиллари билан боғланишган.

Эслатиб ўтамиз, Конте 2019 йилдан 2021 йилгача "Интер"ни бошқарган, шундан сўнг раҳбарият танлаган ривожланиш йўналиши туфайли жамоани тарк этган. Антонио "нерадзурри"га 11 йил ичида биринчи марта А Серия чемпионлигини қўлга киритишига ёрдам берди.

Конте айни дамда "Тоттенхэм"ни бошқармоқда. Антонионинг "шпорлар" билан шартномаси бўйича яна олти ойи бор, бироқ шартнома якунида у янги шартнома имзолаш ниятида эмас.