"Inter"ning sobiq bosh murabbiyi Antonio Konte kelasi mavsum boshlanishidan oldin jamoaga qaytishi mumkin. Jurnalist Gari Jeykobning so‘zlariga ko‘ra, “neradzurrilar” ehtimoliy qaytish masalasini muhokama qilish uchun italiyalikning vakillari bilan bog‘lanishgan.
Eslatib o‘tamiz, Konte 2019 yildan 2021 yilgacha "Inter"ni boshqargan, shundan so‘ng rahbariyat tanlagan rivojlanish yo‘nalishi tufayli jamoani tark etgan. Antonio "neradzurri"ga 11 yil ichida birinchi marta A Seriya chempionligini qo‘lga kiritishiga yordam berdi.
Konte ayni damda "Tottenxem"ni boshqarmoqda. Antonioning "shporlar" bilan shartnomasi bo‘yicha yana olti oyi bor, biroq shartnoma yakunida u yangi shartnoma imzolash niyatida emas.
