ЕЧЛнинг 1/8 финал жавоб учрашуви доирасида "Боруссия" жамоасига қарши бўлиб ўтадиган ўйин олдидан "Челси" бош мураббийи Грэм Поттер ўз фикрлари билан ўртоқлашди.
"Бу позициядаги босимдан хурсанд бўлишимиз керак. Демак, бизда кучли саккизликдан жой олиш учун ажойиб имконият бор. Мен фақат чорак финалга чиқиш жамоа ва клуб учун қанчалик муҳимлиги ҳақида ўйлайман. Биз кучли рақибга қарши ўйнаяпмиз, бу жуда катта қийинчилик, шу билан бирга ажойиб имконият. Келинг, кучимизни 100 фоиз майдонда сарфлайлик.
Бу катта ва жуда қизиқарли учрашув. Бизни "Стэмфорд Бридж"да катта футбол кечаси кутиб турибди ва биз буни интиқлик билан кутмоқдамиз. Биз ижобий ўйлаймиз ва ғалаба қозонишга ҳаракат қиламиз. "Боруссия" - топ жамоа. Ҳозир улар ажойиб муваффақиятга эришди ва деярли ҳар бир ўйинда ғалаба қозонди" - деди Поттер.
Эслатиб ўтамиз, Дортмундда бўлиб ўтган дастлабки учрашувда "Боруссия" 1:0 ҳисобида ғалаба қозонганди.
