YECHLning 1/8 final javob uchrashuvi doirasida "Borussiya" jamoasiga qarshi bo‘lib o‘tadigan o‘yin oldidan "Chelsi" bosh murabbiyi Grem Potter o‘z fikrlari bilan o‘rtoqlashdi.

"Bu pozisiyadagi bosimdan xursand bo‘lishimiz kerak. Demak, bizda kuchli sakkizlikdan joy olish uchun ajoyib imkoniyat bor. Men faqat chorak finalga chiqish jamoa va klub uchun qanchalik muhimligi haqida o‘ylayman. Biz kuchli raqibga qarshi o‘ynayapmiz, bu juda katta qiyinchilik, shu bilan birga ajoyib imkoniyat. Keling, kuchimizni 100 foiz maydonda sarflaylik.

Bu katta va juda qiziqarli uchrashuv. Bizni "Stemford Bridj"da katta futbol kechasi kutib turibdi va biz buni intiqlik bilan kutmoqdamiz. Biz ijobiy o‘ylaymiz va g‘alaba qozonishga harakat qilamiz. "Borussiya" - top jamoa. Hozir ular ajoyib muvaffaqiyatga erishdi va deyarli har bir o‘yinda g‘alaba qozondi" - dedi Potter.

Eslatib o‘tamiz, Dortmundda bo‘lib o‘tgan dastlabki uchrashuvda "Borussiya" 1:0 hisobida g‘alaba qozongandi.