Грузия терма жамоаси бош мураббийи Темури Кецбая ЖЧ-2014 саралаш босқичининг биринчи учрашувида Беларус терма жамоаси устидан қозонилган ғалабадан (1:0) сўнг фикр билдирди.
Грузияликларнинг ғалаб тўпини Мариупольнинг "Ильичевец" ўйинчиси Торнике Окриашвили киритди.
"Мен ўз шогирдларимдан охиригача курашганлари ва ҳақли равишда ғалаба қозонганлари учун миннатдорман. Бир неча кун олдин худди шундай дегандим: охиригача курашиш керак, 100 фоиз имкониятни ишга солиш керак. Бугун менинг йигитларим худди шундай қилишди. Мен уларнинг мураббийи эканлигимдан фахрланаман.
Беларус яхши жамоа, буни бир неча марта исботлаган. Бизда муаммолар бор эди, аммо уларни бартараф этиб, ғалаба қозона олдик. Бизнинг жамоамизда кўплаб ёш ўйинчилар бор уларнинг энергияси кўп, шу энергия ҳисобига иккинчи бўлимда яхши ўйнадик. Ҳисоб 1:0 бўлиб турганда Мчедлидзени алмаштирдим, биз ҳисобни сақлаб қолмоқчи эдик ва буни яхши уддаладик", - дея Кецбаянинг сўзларини келтиради football.by.
