"Челси" ҳужумчиси Жоау Феликс Дортмунднинг "Боруссия" жамоасига қарши ЕЧЛ 1/8 финал жавоб ўйини олдидан Кай Хаверц ҳақида фикр билдирди.
Немис футболчиси сўнгги пайтларда гол ура олмаётгани учун танқид қилинмоқда.
"У ажойиб футболчи. Унинг клуб учун нима қилганини ҳамма билади. Биз тенгдошмиз, шунинг учун мен уни анчадан бери биламан. Майдонда ҳам, майдон ташқарисида ҳам муносабатларимиз яхши. Бу футбол. Баъзан ҳар бир ўйинда гол урасиз. Агар гол уришни уддалай олмасангиз, ишлашни давом эттириш керак.
Хаверц доимо яхшиланиш йўлларини қидиради. "Боруссия"га қарши ўйинда у гол уради", - деди Феликс football.london билан суҳбатда.
