“Реал” ярим ҳимоячиси Лука Модрич мавсум якунида “Қироллик клуби”ни тарк этишга яқин турибди. Журналист Санти Аунанинг фикрича, айни дамда "Реал Мадрид" раҳбарияти хорватни шартномани узайтиришдан кўра эркин агент сифатида қўйиб юборишга кўпроқ мойил.
Эслатиб ўтамиз, 37 ёшли Модрич аввалроқ шартномани узайтириш учун яхши имкониятларга эга эди, бироқ футболчи сўнгги пайтларда Ла Лига ўйинларида камдан-кам асосий таркибда майдонга тушаётгани учун раҳбарият Луканинг жамоадаги истиқболига бошқача қарамоқда.
Олдинроқ Модрич фаолиятини "Реал Мадрид" таркибида тугатиш истаги борлигини маълум қилганди. Аммо футболчининг шартномаси узайтирилмаса, Саудия Арабистонига кетиши мумкин.