Юртимизда ўтаётган 20 ёшгача бўлган Осиё чемпионати баҳслари давом этмоқда. Бугун C гуруҳида ҳам 3 тур баҳслари ўтказилди. Унда Иордания ва Уммон ёшлари тўқнаш келишди. Ўйин 0-0 ҳисобидаги дуранг билан якунланди. Баҳс якунида ҳар икки жамоа мураббийлари ўз фикрларини билдириб ўтди. Гуруҳда 3 та тур натижасига кўра, Иордания  4 очко тўплаган ҳолда кейинги босқич йўлланмасини қўлга киритди. Шунча очко йиғган Уммон эса гуруҳда қолиб кетди. Уммонликлар устози Давид Гордо бу ҳақида шундай дейди:

"Аввало, рақибни кейинги босқич билан табриклайман. Ўйин қийин кечди. Жуда ҳам гол уришга ҳаракат қилдик. Бизга бу ўйин тажриба бўлади. 

Қандай ўзингизни ҳис қиляпсиз? Ўзингиз учун нималар олдингиз?

Ўйлайманки, бу турнир бизга дарс бўлди. Рақиб анча кучли эди. Ғалаба ўз қўлимиздалигини билардик. Вазиятлар кўп эди. Аммо қарор қабул қилишда муаммоларга дуч келдик. Келажакда, муаммо ва камчиликлар устида ишлаймиз.

Ташкилотчилик борасида қандай муаммоларга дуч келдингиз?

"Ҳаммаси ажойиб. Об-ҳаво, одамлар, муҳит. Аммо бизга энг катта муаммо туғдирган нарса, бу машғулотлар майдонларининг қониқарсиз эканлиги эди. Бундай майдонларда, ўйинчиларнинг жароҳат олиши ҳеч гап эмас".

Шунингдек, Иордания бош мураббийи Ислом Жамил Алдиабат ҳам фикрлари билан ўртоқлашди:

"Ҳаммага ассалому алайкум. Бу ўйиннинг якунидан жуда ҳам хурсандман. Бугунги рақиб жуда ҳам кучли эди. Уммон бизга қаттиқ қаршилик кўрсатди. Аммо кучли ирода билан биз ўз мақсадимизга эришдик. Айтишим керакки, ушбу баҳс нафақат мен, балки футболчилар учун ҳам ўта муҳим учрашув эди. Уммон доимо рақибларни қийнай олган.

Ҳозир кейинги баҳсларни ўйлашимиз керак. Рақибнинг руҳияти ўта кучли экан. Аммо бизда яхши интизом бор эди. Бу орқали керакли натижага эриша олдик деб ўйлайман. Бугун биз бир жамоа каби эмас, балки бир оиладек, ака-укалардек ҳаракат қилдик. Кейинги рақибларни кучли бўлишини биламиз. Аммо биз ҳар қандай ўйинга тайёрмиз".

Исматов Ж.