Испания терма жамоаси дарвозабони Давид Райя ёзги трансфер ойнасида "Брентфорд"ни тарк этади. Инсайдер Фабрицио Романонинг ёзишича, 27 ёшли футболчи айни дамда нуфузлироқ клубдан таклиф кутмоқда.
Аввалроқ Девид Райя ўзи айтганидек, "Брентфорд"дан шартномани узайтириш бўйича бир нечта таклифларни рад этганди. Испаниялик футболчининг амалдаги меҳнат шартномаси 2024 йилнинг ўрталарига қадар тузилган.
Transfermarkt портали экспертлари Девид Райяни 22 миллион еврога баҳоламоқда. 2022/2023 йилги мавсумда испаниялик 25 та ўйин ўтказиб, 33 та гол ўтказиб юборган.