"ПСЖ" 2023 йилда олтинчи мағлубиятини қабул қилди.
Кристоф Галтье шогирдлари Чемпионлар лигаси 1/8 финал жавоб ўйинида “Бавария”га имкониятни бой бериб (0:2) турнирни тарк этди. Бу мағлубият парижликлар учун барча мусобақалардаги 15 ўйиндаги олтинчи мағлубият бўлди.
Бунгача “ПСЖ” Лига 1да “Ланс” (1:3), “Ренн” (0:1) ва “Монако” (1:3), Франция кубогида “Марсель” (1:2) ва Чемпионлар лигаси 1/8 биринчи ўйинида “Бавария”га (0:1) мағлуб бўлганди.
Янги йилга қадар "ПСЖ" 2022/2023 йилги мавсумда бирорта ҳам мағлубият аламини тотиб кўрмади.
