Карим Бензема жаҳон чемпионати саралаш босқичида Франциянинг Финляндия устидан эришган 1:0 ҳисобдаги муваффақиятидан мамнунлигини изҳор қилди.

“Реал” ҳужумчиси французлар ғалабасида муҳим роль ўйнаб, Абу Диабининг голига замин яратди. У секин-аста яна ўз формасини тиклаётганини билдириб ўтди.

“Биз ҳимояда ва ҳужумда шу руҳда ўйнашимиз керак. Биз ўйинни яхши бошладик ва ҳисобни эрта очдик. Иккинчи бўлимда биринчи бўлимдаги каби ўйин намойиш этмадик, аммо бардам туриб охиригача курашдик” – деб айтди Бензема Ligue 1 учун берган интерьвюсида.

“Мен Абу Диабига гол уриш имкониятини яратганимдан хурсандман. Мен учун голга ассистентлик қилиш гол уруш билан тенг. Ўзимни майдонда яхши ҳис қилдим. Мен яна ўз ўйинимни топиб боряпман. Асосийси, бугун барчамиз ажойиб ўйин ўтказдик”.

“Ушбу ўйинда Финляндия яхши ҳимояланди ва ҳужум уюштирди. Баъзи вазиятларда бизга мушкул бўлди, аммо биз курашдик ва ғалаба қозондик.”

Франция сешанба куни (11 сентябрь) Беларусь терма жамоасига қарши майдонга тушади.