"ПСЖ" президенти Носир Ал-Хелайфи парижликлар бош мураббийи Кристоф Галтьенинг келажагини ҳал қиладиган йиғилиш ўтказиш ташаббуси билан чиқмоқда, деб хабар беради Relevo.
Манбага кўра, катта эҳтимол билан йиғилишда франциялик мутахассисни истефога чиқариш тўғрисида қарор қабул қилинади. Галтье лавозимига асосий даъвогар Томас Тухель бўлиб, у 2018 йилдан 2020 йилгача жамоани бошқарган.
"ПСЖ" жорий Чемпионлар лигасидан чиқиб кетди, улар 1/8 финалда "Бавария"га мағлуб бўлди (0:1; 0:2).
Кристоф Галтье 2022 йилнинг июлидан бери "ПСЖ"ни бошқариб келмоқда.
