50 ёшли нидерландиялик мутахассис Альфред Шредер Бельгиянинг "Брюгге" клубини бошқариши мумкин.
Voetbal Nieuws нашри хабарига кўра, кеча, 8 март куни жамоани тарк этган "қора-кўклар" мураббийи Скотт Паркернинг ўрнига айнан Шредер келади.
Томонлар ўртасидаги музокаралар илғор босқичда. Қизиғи шундаки, Альфред 2022 йилда ҳам "Брюгге" билан ишлаган, аммо кейин "Аякс"га ўтган ва у ердан ҳайдалган. Шредер "Барселона"да мураббий ёрдамчиси ҳам бўлган.