Оуэн Харгривзнинг фикрича, "ПСЖ" лойиҳани нолдан бошлаши керак.
Кеча парижликлар турнирнинг 1/8 финали жавоб ўйинида "Бавария"га 0:2 (биринчи ўйин – 0:1) ҳисобида имкониятни бой бериб, Чемпионлар лигасидан чиқиб кетишди.
"ПСЖ" бутун лойиҳасини йиртиб ташлаши ва нолдан бошлаши керак. Парижда дунёдаги энг яхши ёш иқтидорлар захираси мавжуд. Фофана, Нкунку, Дембеле - буларнинг барчаси "ПСЖ"да ўйнаши керак, нега улар бошқа клубларга ўтишади?
Парижликлар ушбу ёш француз ўйинчилари билан Лига 1да ғалаба қозонишлари мумкин, уларга ёрдам бериш учун бир ёки иккита супер юлдуз қўшишади. Жамоада деярли ҳеч қандай ёш француз йигитлари йўқ, бу шунчаки кулгили" - деди собиқ англиялик футболчи BT Sport нашрига берган интервьюсида.
