"Челси" ва "ПСЖ" клубларининг собиқ бош мураббийи Томас Тухель "Реал"ни бошқаришни истамоқда.

Журналист Гари Жейкобнинг ёзишича, германиялик мутахассис фавқулодда вазиятларда "қироллик клуби"га тайинланишга тайёр бўлиши учун айни пайтда испан тилини ўрганмоқда.

Ҳозир "Реал" амалдаги бош мураббий Карло Анчелоттини истеъфога чиқариш вариантини кўриб чиқмоқда. Италиялик мураббийнинг "қаймоқранглилар" билан шартномаси тугашига бир йил қолган, аммо раҳбарият натижалардан норози ва мураббийни алмаштириш ҳақида ўйламоқда.

Эслатиб ўтамиз, Тухелнинг ўзи аввалроқ "Реал" бош мураббийи лавозимига даъвогарлар рўйхатида пайдо бўлмаган. Бу позиция учун фаворит сифатида ҳамон "Кастилья" устози ва “қаймоқранглилар”нинг собиқ сардори Рауль Гонсалес ҳисобланади.