Жаҳон чемпионати сўнги саралаш босқичининг 3-туридaн ўрин олган Ўзбекистон ҳамда Жанубий Корея терма жамоалари ўйинидан олдинги матбуот анжумани ушбу ўйиндан бир кун олдин, яъни 10 сентябр куни ўтказилади. Иккала терма жамоа бош мураббийлари ўртасидаги матбуот-анжумани "Пахтакор" марказий стадионида бўлиб ўтади.
Дастлаб, матбуот анжуманининг биринчи қисмида, соат 16:30 да Жанубий Корея терма жамоаси бош мураббийи Чой Канг Хи журналистлар саволларига жавоб беради. Шундан кейин барча ОАВ ҳодимлари "Пахтакор" марказий стадионига таклиф этилади. Соат 17:00 дан 17:15 гача Жанубий Корея терма жамоаси иштирокидаги машғулотларни ОАВ ҳодимлари кузатишлари мумкин бўлади.
Соат 17:30 да эса, матбуот анжуманининг иккинчи қисмида Ўзбекистон миллий терма жамоси бош мураббийи Миржалол Қосимов иштирок этади. Терма жамоамиз бош мураббийи иштирокидаги матбуот-анжумани ўз ниҳоясига етгач, "Пахтакор" марказий стадионида Ўзбекистон миллий терма жамоаси ўз машғулотларини бошлайди. ОАВ ҳодимлари терма жамоамиз машғулотларини ҳам стадиондан туриб кузатиш имконига эга бўлишади.
Ҳар иккала терма жамоа бош мураббийлари иштирокидаги матбуот-анжумани ва машғулотлар жараёнини кузатиш учун барча турдаги ОАВ таклиф этилади.
