Суперлига 2-туридан ўрин олган «Сўғдиёна» – «Олимпик» (2:2) учрашувидан сўнг мезбонлар устози Ёрқин Назаров ўз фикрларини билдириб ўтди.

«Олимпик» жамоасига қарши тайёргарлик кўрган эдик. Лекин, нимагадир омад кулиб боқмаяпти. Кўплаб вазиятлар яратяпмиз. 12 нафар янги футболчи таркибга жалб қилинган ва балки шу сабаб бўлаётгандир.

Искандар Шайқулов кечаги машғулотда жароҳат олди ва шу сабабли бугун унинг ўрнига Бобур Йўлдошевни майдонга туширдик. Алишер Салимов эса қанотда ҳаракат қилди. Яъни тактик ўзгаришни амалга оширдик», – деди мутахассис.