2023 йилда “Кристал Пелас” Премьер-лигада ҳали бирорта ҳам ғалаба қозона олмаган. Тўққиз ўйинда жамоа беш марта дуранг ўйнади ва тўрт марта мағлуб бўлди. Натижада “бургутлар” бош мураббийи Патрик Виейра босим остида қолди. TalkSport хабарига кўра, жамоа раҳбарлари бундай натижалардан сўнг клуб лигада қолиш учун курашга тушиб қолишидан хавфсирамоқда. Шундай қилиб ҳозирда Виейра ишдан бўшатилиш таҳдиди остида қолган.
"Кристал Пэлас" ҳозирда АПЛ турнир жадвалида 12-ўринда бормоқда. “Бургутлар” қуйи лигага тушиб кетиш зонасидан беш очко олдинда.
Лондонликлар навбатдаги ўйинни 11 март куни ўз майдонида “Манчестер Сити”га қарши ўтказади.
