Бугун U20 Осиё кубогининг чорак финал баҳслари старт олади. Эртанги баҳслар учун Жанубий Корея терма жамоаси устози Ким Йон Жон учрашувдан олдинги матбуот анжуманида иштирок этди.
«Чорак финалга чиққанимиздан жуда ҳам хурсандмиз. Бу ерда кучсиз рақиб бўлмайди. Барча жамоа яхши тайёрланиб келган. Яхши натижага ҳаракат қиламиз.
Корея ва Хитой футболи бир-бирига анча яқин. Бу спорт тури бўйича яхши қўшничилик алоқаларини қилиб келганмиз. Аввал клублар миқёсида ҳам кўп ўйнаганимиз. Улар ўсишган. Бу ерга Хитой ҳақли етиб келди. Хитой Суперлигаси ҳозир анча ривожланган. Уларнинг барча ёшдаги терма жамоалари қийин рақиб ҳисобланади. Эртага ҳам осон ўйин кутмайман.
Статистик жиҳатдан олсак, тўғри, охирги ўйин бироз осон кечгандек. Бироқ такроран айтаманки, руҳий томонлама кучлиларгина бу ерга чиқа олишади. Консентрацияни йўқотмаслик жуда муҳим. 3-турда босим бўлмаганига қарамай плей-оффда кучлар тенглашади», — деди мураббий.
