Bugun U20 Osiyo kubogining chorak final bahslari start oladi. Ertangi bahslar uchun Janubiy Koreya terma jamoasi ustozi Kim Yon Jon uchrashuvdan oldingi matbuot anjumanida ishtirok etdi.
«Chorak finalga chiqqanimizdan juda ham xursandmiz. Bu yerda kuchsiz raqib bo‘lmaydi. Barcha jamoa yaxshi tayyorlanib kelgan. Yaxshi natijaga harakat qilamiz.
Koreya va Xitoy futboli bir-biriga ancha yaqin. Bu sport turi bo‘yicha yaxshi qo‘shnichilik aloqalarini qilib kelganmiz. Avval klublar miqyosida ham ko‘p o‘ynaganimiz. Ular o‘sishgan. Bu yerga Xitoy haqli yetib keldi. Xitoy Superligasi hozir ancha rivojlangan. Ularning barcha yoshdagi terma jamoalari qiyin raqib hisoblanadi. Ertaga ham oson o‘yin kutmayman.
Statistik jihatdan olsak, to‘g‘ri, oxirgi o‘yin biroz oson kechgandek. Biroq takroran aytamanki, ruhiy tomonlama kuchlilargina bu yerga chiqa olishadi. Konsentrasiyani yo‘qotmaslik juda muhim. 3-turda bosim bo‘lmaganiga qaramay pley-offda kuchlar tenglashadi», — dedi murabbiy.
