Бугундан U20 Осиё кубогининг чорак финал баҳслари старт олади. Эртанги баҳслар учун Иордания терма жамоаси устози Ислам Ал Диабат учрашувдан олдинги матбуот анжуманида иштирок этди.
«Кучли саккизталикка кирганимиздан хурсандман. Чорак финал билангина кифояланмоқчи эмасмиз. Жаҳон чемпионатига чиқишни мақсад қилганмиз. Халқимизни яхши натижа билан хушнуд этишга умид қиламан.
Биринчи баҳсда қизил олган ўйинчимиз қайтди. Рақиб ҳақида ҳурмат сақлайман. Таркиб борасида муаммо бўлмайди. Фақат бир футболчига суяниб қолмаймиз, албатта.
Япониядан қолишадиган жойимиз йўқ. Уларда бор жисмоний ва руҳий ҳолат бизда ҳам етарли. Бизда Иордания қони оқмоқда ва эртанги баҳс ҳеч қанақасига ортиқча босим юкламайди», — деди мураббий.
