Bugundan U20 Osiyo kubogining chorak final bahslari start oladi. Ertangi bahslar uchun Iordaniya terma jamoasi ustozi Islam Al Diabat uchrashuvdan oldingi matbuot anjumanida ishtirok etdi.
«Kuchli sakkiztalikka kirganimizdan xursandman. Chorak final bilangina kifoyalanmoqchi emasmiz. Jahon chempionatiga chiqishni maqsad qilganmiz. Xalqimizni yaxshi natija bilan xushnud etishga umid qilaman.
Birinchi bahsda qizil olgan o‘yinchimiz qaytdi. Raqib haqida hurmat saqlayman. Tarkib borasida muammo bo‘lmaydi. Faqat bir futbolchiga suyanib qolmaymiz, albatta.
Yaponiyadan qolishadigan joyimiz yo‘q. Ularda bor jismoniy va ruhiy holat bizda ham yetarli. Bizda Iordaniya qoni oqmoqda va ertangi bahs hech qanaqasiga ortiqcha bosim yuklamaydi», — dedi murabbiy.
