Бразилия терма жамоаси ва "Ливерпуль" клуби ҳужумчиси Роберто Фирмино жорий мавсум якунида клубини ўзгартиришга яқин турибди.
Goal.com портали хабарига кўра, жанубий америкалик футболчи фаолиятини МЛСда давом эттириш имкониятига эга.
31 ёшли футболчининг хизматларига "Сент-Луис Сити" қизиқиш билдирмоқда. Клуб бразилиялик футболчига таклиф тайёрламоқда.
Робертонинг "Ливерпуль" билан амалдаги шартномаси жорий мавсум охирида якунига етади. Фирмино шу пайтгача Премьер-лигада 19 та ўйинда майдонга тушиб, 8 та гол ва 4 та голли узатмага муаллифлик қилган.
