Мадриднинг "Атлетико" клуби яқинлашиб келаётган мавсум оралиғида қанот ҳимоясини кучайтирмоқчи. Бу ҳақда Marca журналисти Девид Медина хабар бермоқда.
Манбага кўра, "матрасчилар" арзон нархда ёки ҳатто эркин агент сифатида сотиладиган ҳимоячиларни ўз сафига қўшиб олмоқчи. Жамоа ёзги трансфер ойнаси учун жуда чекланган бюджетга эга.
Шу билан бирга, кейинги мавсумда ҳам Рейнилду Мандава ва Науэль Молина асосий ҳимоячилар бўлиб қолиши кераклиги ҳам хабар қилинган. Раҳбарият рўйхатдаги икки футболчига рақобатчи топмоқчи.
Эслатиб ўтамиз, аввалроқ “Атлетико” бош мураббийи Диего Симеоне мавсум якунида жамоани тарк этиши мумкинлиги ҳақида хабарлар тарқалган эди.
