Якшанба оқшомида «Барселона» «Атлетик»ни 1:0 ҳисобида мағлуб этди.
Бильбаодаги ўйин якунида баҳсга сабаб бўлган эпизод юзага келди. Иньяки Уильямс гол киритди, аммо ВАРдан кейин унинг голи бекор қилинди. Ҳужум вақтида «Атлетик» футболчиси қўл билан ўйнади.
«Ҳа ҳа ҳа ҳа ҳа...» деб ёзди Уильямс ўйиндан кейин ижтимоий тармоқларда. Футболчи ҳакамнинг голни бекор қилиш қарорини очиқ-ойдин масхара қилди.
«Атлетик» айни дамда Испания чемпионати турнир жадвалида 9-ўринда бормоқда. Бильбао жамоаси навбатдаги ўйинни 17 март куни - «Вальядолид»га қарши рақиб майдонида ўтказади.
