"Наполи" ҳужумчиси Виктор Осимхенга "Бавария" қизиқиш билдирмоқда.
Нигерияликнинг ажойиб ўйини аллақачон турли чемпионатларнинг кўплаб топ-клублари эътиборини тортган. 24 ёшли футболчининг муваффақиятини Мюнхеннинг "Бавария" клуби ҳам кузатиб бормоқда, у ёзда янги ҳужумчи сотиб олишни кўриб чиқмоқда, деб хабар беради Sky Sport. Бироқ, айни дамда А Серия тўпурари Мюнхен клубига ўтиши даргумон, чунки футболчининг нархи немис гранди учун жуда қиммат.
Виктор Осимҳен Transfermarkt томонидан 70 млн еврога баҳоланган. У жорий мавсум “Наполи” сафида 27 ўйинда майдонга тушиб, 21 гол ва 5 голга ассистентлик қилган.