«Манчестер Сити» ярим ҳимоячиси ва сардори Кевин Де Брюйне АПЛ савияси ҳақида ўз фикрлари билан ўртоқлашди.

«Ўйлайманки, биз бу мавсумни яхши ўтказдик. Премьер-лига бироз ўзгарди. Жадвалнинг қуйи қисмида жойлашган жамоалар энди кўпроқ пул сарфлашлари ва яхшироқ ўйинчиларни сотиб олишлари мумкин.

Менимча, 20 та жамоанинг барчаси анча юқори савияга эга. Энди бу жамоаларни мағлуб этишнинг қийинчилик даражаси тобора ортиб бормоқда.

Лигада иккинчи ўринда турибмиз ва ҳалигача учта мусобақада ўйнаяпмиз. Ўтган йиллар билан солиштирганда, мен бу борада унчалик ўзгариш сезмаяпман», - дея Де Брюйненинг сўзларини келтиради BBC.