Италиянинг «Сампдория» клуби Италия футболи олий дивизионида ўз ўрнини сақлаб қолиш учун астойдил курашмоқда.
Ушбу жамоа билан 1992 йили Чемпионлар лигаси финалида ўйнаган собиқ футболчи Роберто Манчини вазият ҳақида фикр билдирди.
Унинг фикрича, сербиялик мураббий Деян Станкович жамоанинг муваффақияти учун қўлидан келганини қилмоқда.
«Сампдория» билан нима бўлаётганини кўриб, жуда хафа бўлдим. Кўряпманки, барча йигитлар қўлидан келганича ҳаракат қилишяпти, мухлисларнинг қўллаб-қувватлаши сусаймаётганидан ҳам хурсандман.
Деян Станкович қўлидан келганини қилмоқда, гарчи жамоа жуда оғир аҳволда бўлсада», — деди Манчини.
