26 март, якшанба куни Россия ва Ироқ терма жамоалари ўртасида ўртоқлик учрашуви бўлиб ўтади. Ироқ терма жамоаси матбуот котиби Муҳаммад Имаднинг сўзларига кўра, ўйинга ироқлик мухлислар ташриф буюришади.
«Россия терма жамоасига қарши ўртоқлик ўйинида Ироқ терма жамоасининг юзга яқин мухлислари иштирок этади.
Булар Россияда талаба-аспирантлардир», — деди Имад.
Ироқ терма жамоаси билан ўйин олдидан Валерий Карпин шогирдлари Эрон билан меҳмонда ўртоқлик учрашуви ўтказади. У 23 март, пайшанба куни бўлиб ўтади.
Эслатиб ўтамиз, Россия терма жамоаси УЕФА санкциялари туфайли энди фақат ўртоқлик ўйинлари ўтказади.
