“Реал” бош мураббийи Карло Анчелотти ҳужумчи Карим Бенземанинг ҳолати ҳақида гапирди. Дам олиш кунларида франциялик футболчи Испания чемпионати доирасидаги “Эспаньол”га қарши ўйинни ўтказиб юборди.

“Чоршанба куни Бензема 100% тайёр бўлади. Якшанба куни у умумий гуруҳ билан машғулотларга қайтди ва бундан олдин у индивидуал машғулотларни яхши ўтказди. У ҳаддан ташқари мотивацияга эга бўлади. Карим учун ҳам, клуб учун ҳам бу жуда муҳим мусобақа”, деди Анчелотти сешанба кунги матбуот анжуманида журналистларга.

"Реал Мадрид" - "Ливерпуль" учрашуви 15 март куни бўлиб ўтади. Биринчи ўйинда Карло Анчелотти шогирдлари сафарда рақибни 5:2 ҳисобида мағлуб этишди.