Ўзбекистон ёшлар терма жамоаси сардори Умарали Раҳмоналиев Жанубий Кореяга қарши бўлиб ўтган ярим финал баҳсидан кейин ўз фикрлари билан ўртоқлашди.

"Ўзбек халқини, юртимизни бугунги ғалаба билан табриклайман. Иншооллоҳ, бу давомли бўлсин. Олдлимизда яна битта ўйин турибди. Боримизни бериб, мухлисларни хурсанд этишга ва мана шундай ҳиссиётларни давом эттиришга ҳаракат қиламиз. Финалда бор куч ва ғайратимизни ишга соламиз. Бизни қўллаб-қувватлаб турган мухлисларга катта раҳмат айтаман. Улар биз борларини бериб мухлислик қилишди. Биз ҳам бунга тайёрмиз ва финалда боримизни берамиз.

Кореянинг ўйинларини ўрганиб чиққан эдик. Мураббийларимиз ўйинни қандай олиб боришни бизга тушунтиришган эди. Қайси дақиқада қандай ўзгаришлар қилишни батафсил ўргатишган эди. Биз эса мураббийимиз берган кўрсатмаларга амал қилдик. Биз ўйин бўйича ҳам ғалабага ҳақли эдик, деб ўйлайман. Пенальтилар сериясида эса Аллоҳ бизга омадни берди. Худога шукр, мухлислар олдида юзимиз ерга қараб қолмади. Финалда ҳам юзимиз ёруғ бўлади, деб умид қиламан. Ҳаммага раҳмат", — деди Умарали.