Машҳур инсайдер Фабрицио Романо “Айнтрахт” ҳужумчиси Рандал Коло-Муанининг келажаги ҳақида гапирди.
Аввалроқ, 24 ёшли франциялик футболчига "Манчестер Юнайтед", "Бавария" ва "ПСЖ" клублари қизиқиш билдираётгани ҳақида хабар берилганди. Эҳтимолий трансфер суммаси 100 миллион евродан ошиши кутилмоқда.
"Фақат "ақлдан озган" таклиф "Айнтрахт"ни Рандал Коло-Муанини сотишга мажбур қилади", - дейди Романо.
Коло-Муанининг Франкфуртнинг "Айнтрахт" клуби билан амалдаги шартномаси 2027 йилнинг ёзига қадар мўлжалланган.