ЕЧЛнинг плей-офф баҳслари футболдаги энг қизиқ жараёнлардан бири саналади. Мана, иккинчи йилдирки, биз меҳмондаги гол қоидасини четга сурдик. Аммо очиғини айтиш керак, ўша қоида сабаб футбол янада шиддатли ва қизиқ кечарди. Биз мухлисларга эса, айнан шу керак. Қоидани олиб ташлашга бир нечта мантиқий ва қонуний сабаблар бўлган. Бироқ, айрим манбаларга кўра, УЕФА плей-офф босқичларида кўпроқ экстра-таймли баҳслар кўришни хоҳлаган. Бунга сабаб рекламадан келадиган фойдадир.
Қуйида меҳмондаги гол нисбати сабабли ўта қизиқ кечган баҳслар айтиб ўтилади.
"Челси" 1-1 "Барселона" (2009)
Ушбу баҳсни меҳмондаги гол ҳал қилади. Биринчи ўйин нурсиз дуранг билан якунланган бўлса, Лондондаги учрашувда Андреас Иньестанинг голи каталонияликларни финалга олиб чиқади. Албатта, бунинг ҳали жавоби ҳам бор эди...
"Барселона" 2-3 "Челси" (2012)
Юқоридаги воқеадан бир неча йил ўтиб, "Челси" қасос олишга қарор қилади. Лондондаги ўйин 0-1 ҳисобида Гвардиола жамоаси фойдасига ҳал бўлган. "Камп Ноу"да ҳаммаси бошқача бўлди. Ўша пайтда "қутурган" "Барса"ни камтаргина "Челси" доғда қолдиради.
"Барселона" 6-1 "ПСЖ" (2017)
"Барселона" 2017 йилда парижликлар майдонида 4-0 ҳисобида қақшатқич мағлубиятга учрайди. Энг ёмони шуда эдики, Месси бошчилигидаги жамоа меҳмонда бирорта ҳам гол уролмайди. Бу эса жамоага камида 4 та гол уриш мажбуриятини юклайди. Испанияда 3 та гол урилади. Ортидан Кавани ҳисобни қисқартиради. Бу эса "Барса"нинг 1 та гол заруриятини 3 тага чиқаради. Шунга қарамай, ўша 3 та гол ўйиннинг кейинги қисмида амалга оширилади.
"Рома" 4-4 "Барселона" (2018)
"Барселона" доимо мана шундай драмарик вазиятларда яшаган. 2018 йилда "Рома" меҳмонда 4-1 ҳисобида таслим этилади. Рим шаҳрида эса 3-0 ҳисобида ғалабага эришилган. Бир йил олдин кўрсатган жасорати, "Барселона"нинг ўз бошига бало бўлди ва "ПСЖ" ҳолига тушди.
"Манчестер Сити" 4-4 "Тоттенхэм" (2019)
"Шпорлар" ўз уйида Гвардиола жамоасини кичик, 1-0 ҳисобида мағлуб этади. Жавоб ўйини анча драматик кечган. "Этиҳад"да Сон 2 та гол уради. Орадан кўп ўтмай "шаҳарликлар" бунга 3 та жавоб қайтаришади. Бу эса Гвардиола олдига аниқ йўл қўяди: нима қилиб бўлса ҳам дуранг ўйнамаслик ва ютиш. Аммо иккинчи бўлимда Агуэро ва Льорентелар ҳар икки томонни хуранд қилиб, 4-4 ҳисобини вужудга келтиради. Бу эса "Тоттенхэм"ни финалга йўл олганини англатарди.
"Ювентус" 4-4 "Порту" (2021)
Нимчорак финалда "Порту" туринликларни ўз уйида 2-1 ҳисобида мағлуб этади. Италияда ҳам шундай ҳисоб қайд этилгани, экстра-таймларга йўл очганди. 30 дақиқалик вақтда ҳар икки томондан Серхио Оливьера ва Андриан Рабьоларнинг голлари умумий ҳисобни 4-4 га келтирган. Аммо "Порту"нинг 2 рақиб дарвозасига киритган иккита голи, ҳаммасини ҳал қилган ва португалларни кейинги босқичга олиб чиққан.
ИСМАТОВ Ж.
