Хвича Кварацхелия «Наполи»да ўзининг биринчи мавсумини ўтказмоқда, бироқ у аллақачон трансфер ҳақидаги миш-мишлар бош мавзусига айланиб бормоқда.

Миш-мишлар 22 ёшли грузиялик футболчини «Реал» ва «Манчестер Сити» билан боғлайди. Бироқ, Премьер-лиганинг бошқа бир клуби «Ньюкасл» Кварацхелиядаги вазиятни кузатиб бормоқда. Бу ҳақда Football Insider хабар бермоқда.

Қайд этилишича, «Ньюкасл» Чемпионлар лигасига чиқса, Хвича Кварацхелия учун курашишга тайёр.

Шу билан бирга, «Наполи» Кварацхелия билан янги шартнома имзоламоқчи. Унда грузиялик футболчининг эҳтимолий трансфери ҳақида банд мавжуд бўлади. 

Хвича Кварацхелия «Наполи» сафида 29 та ўйин ўтказиб, 13 та гол урди ва 15 та голли узатмани амалга оширди.