Мадриднинг “Реал” клуби ярим ҳимоячиси Лука Модрич яқинлашиб келаётган “Эл-Класико”нинг аҳамияти ҳақида гапирди.
19 март куни жамоалар "Камп Ноу"да тўқнаш келишади. "Барселона" Ла Лиганинг 25-туридан сўнг 65 очко билан "Реал"дан 9 очко олдинда бормоқда.
"Менимча, "Барселона"га қарши ўйин "Реал" учун чемпионлик учун курашни давом эттириш учун сўнгги имкониятдир. Биз буни тушунамиз", - деди хорватиялик 37 ёшли ярим ҳимоячи.
"Барселона" - "Реал Мадрид" учрашуви Тошкент вақти билан соат 01:00да бошланади. Октябрь ойида бўлиб ўтган биринчи давра учрашувида Карло Анчелотти шогирдлари ўз майдонида 3:1 ҳисобида ғалаба қозонган эди.
