Пеп Гвардиоланинг фикрича, Эрлинг Холанднинг ўйинида камчиликлар бор.

«Манчестер Сити» форварди Англия кубоги доирасида «Бёрнли»га қарши ўйинда (6:0) уч бор гол урди. Сўнгги 3 ўйинда унинг ҳисобида 9 та гол бор.

«Келажакда бу йигитда муаммолар пайдо бўлади, чунки одамлар ундан ҳар бир ўйинда 3-4 та гол уришини кутишмоқда ва сиз бунчалик кўп гол ура олмайсиз.

Лекин биламанки, у одамлар нима дейишига аҳамият бермайди, у жуда ижобий, оптимист, ҳеч қачон шикоят қилмайди, ўзига ғамхўрлик қилади. Биз яхши ўйнасак, у гол ураверади.

У нимани мақсад қилганини билмайман, лекин биз шундай ўйнасак, у гол уради», — деди Гвардиола.