Transfermarkt портали экспертлари мураббийларнинг 2000/2001 йилги мавсумдан бери футболчиларни харид қилиш учун сарфлаган маблағларини ҳисоблаб чиқди.
Ушбу рейтингнинг кичик фарқ билан пешқадами «Рома»нинг амалдаги бош мураббийи Жозе Моуриньо ҳисобланади. «Реал» ва «Манчестер Юнайтед»нинг собиқ мураббийи бу вақт оралиғида 104 та трансфер амалга оширган ва бунинг учун 1,71 млрд евро сарфлаган.
Иккинчи ўрин «Манчестер Сити» бош мураббийи Хосеп Гвардиолага насиб этди. Испаниялик мутахассис 67 та трансфер учун 1,61 млрд евро сарфлаган.
Кучли учликни «Реал Мадрид» мураббийи Карло Анчелотти ёпади. Италиялик мураббий 88 нафар футболчи трансфери учун 1,38 миллиард евро сарфлаган.
