"Барселона" ярим ҳимоячиси Педри Европа лигаси доирасидаги "Манчестер Юнайтед"га қарши ўйинда олган жароҳатини даволашда давом этмоқда. Аммо The Athletic хабарига кўра, бу жараён кутилганидек тез давом этмаяпти.
Қайд этилишича, Педри навбатдаги “Эл-Класико”ни – апрель ойи бошида бўлиб ўтадиган Испания кубоги ярим финалида “Реал”га қарши жавоб ўйинини ўтказиб юбориши мумкин.
Эслатиб ўтамиз, Педрисиз "Барселона" Испания чемпионатида "Реал"ни 2:1 ҳисобида мағлуб этганди.
2022/2023 йилги мавсумда Педри "Барселона" таркибида 30 та ўйин ўтказиб, 7 та гол урган.
