Жанубий Корея терма жамоаси ҳужумчиси Ким Шин Вук Ўзбекистон билан дуринг ҳақида фикр билдираркан: «Дуранг натижадан жудаям афсусдаман», дея сўз бошлади.

Иккинчи бўлимнинг 10-дақиқасида Ли Чун Юнгнинг ўрнига майдонга тушган Ким Шин Вук 35 дақиқа давомида майдонда тер тўкди. Лекин унга гол киритиш насиб этмади. «Табиийки, ҳужумда ҳам камчиликларимиз кўзга ташланди. Аммо ҳимояда ҳам муаммолар кўп эди. Менимча, биз ҳужум ва ҳимоядаги камчиликларни бартараф этиш йўлини излашимиз лозим», дейди бўйдор ҳужумчи.

«Ҳужумчилар ўртасида алоҳида муаммо йўқ. Ли Донг Гук билан вазиятлар яратишга уриндик. Ли Кюн Хо билан ҳам бир-биримизни сўзсиз тушундик. Аммо натижа йўқлиги афсусланарли».

Парк Чу Ёнг ҳақидаги гап-сўзларга эса: «Парк Чу Ёнг кўпроқ орқага қайтиб ўйнади. Шунинг учун майдонда унчалик кўринмади. Кейинги ўйинларда ундан ҳам ҳужумкорлик кутилади», деди Ким Шин Вук. «Терма жамоа учун жонимни бериб ўйнаш ва Эрон билан ўйинда гол уриш  энг катта мақсадим».

Отабек Йўлдошев, Жанубий Корея, Сеул