"Барселона" ва Бразилия терма жамоасининг собиқ ҳимоячиси Дани Алвес қамоқда футбол ўйнамоқда.
Servimedia хабарига кўра, собиқ футболчи қамоқда бўлиб ўтадиган ўйинларда иштирок этади. Ана шундай учрашувларнинг бирида у дубль қайд этди. У бошқа маҳбуслар билан яхши муносабатда бўлиб, тез-тез уларга имзо қўйиб беради.
Февраль ойида суд Дани Алвесни гаров эвазига қўйиб юборишни рад этди, иш жинсий тажовузда айбланмоқда. У 12 йилгача қамоқ жазосига ҳукм қилиниши мумкин.
Бразилиялик ҳозирда Барселонадан 40 км узоқликда жойлашган Каталониядаги қамоқхонада.
