Ёзги трансфер ойнасида «Атлетико Мадрид» ҳужумчиси Альваро Мората катта эҳтимол билан клубини ўзгартиради.
30 ёшли футболчининг хизматларига икки гигант – «Барселона» ва «Ювентус» қизиқиш билдираётган эди.
TodoFichajesга маълум бўлишича, Мората Туринга қайтишни афзал кўрган. Ҳужумчи «кекса сеньора» сафида унинг роли муҳимроқ бўлиши ва «Барселона»да у Роберт Левандовски учун шунчаки ёрдамчи бўлиб қолишини тушунади.
«Ювентус» Альваро Моратани 20 миллион евро ёки бироз кўпроқ маблағ эвазига сотиб олиши мумкин.
Туринликларда молиявий муаммолар юзага келмаслиги кутиляпти, чунки клуб Душан Влаховични қимматга сотиши мумкин.